Jorge Viejo trai “Voces al traviés del Océanu” al Xovellanos

Jorge Viejo trai “Voces al traviés del Océanu” al Xovellanos
12 10:16 2021 Imprimir

El saxofonista y vocalista asturianu Jorge Viejo presenta esti sábadu “Voces al traviés del Océanu”nel Teatru Xovellanos dientro la ufierta que Xixón trai pa la fin de selmana.

Viejo tomó la decisión, allá por 2018, de completar la so yá amplia formación con un Máster en Jazz Vocal nel prestixosu Conservatorio de Maastricht. El proyectu final d’esi Máster, estremáu pol xuráu evaluador pola so relevancia social y pedagóxica, nun pudo ser presentáu in situ poles restricciones derivaes de la pandemia de Covid 19. Esi esforciu de composición ya investigación, centráu na hestoria, la tradición y los valores de la música vocal na nacencia y la tresmisión del jazz como xéneru, va ser por fin presentáu (y evaluáu) en Xixón, y para ello Jorge Viejo va cuntar nel escenariu con una gran formación integrada por dalgunos de los meyores músicos de jazz de la rexón, amás de la presencia como artista convidada de la so profesora titular, Sabine Kühlich.

La creatividá y espresividá de Sabine Kühlich conviértela nuna de les cantantes de jazz alemanes absolutamente sobresalientes, amás de compositora y saxofonista. Nacida y criada n’Alemaña del Este, completó los sos estudios en Amsterdam y Nueva York, empezando una trayectoria na que ganó premios tan llexendarios como’l Concursu SHURE Montreux JAZZ VOICE, y ufiertó más de 2000 conciertos per tol mundu, trabayando con figures como Sheila Jordan, Greetje Kauffeld, Nils Landgren o Paul Kuhn.

Como formadora, ye profesora principal de Jazz Vocals nel Conservatorio de Maastricht, amás d’impartir talleres per tol mundu.

Organizador: DIVERTIA – TEATRO XOVELLANOS
13 de payares de 2021 a les 20:30

Más información

  Categories: