Portada Escéniques Joaquín Reyes aporta a Xixón con “Festexen la chancia”

Joaquín Reyes aporta a Xixón con “Festexen la chancia”

by redacción asturnews

Joaquín Reyes aporta esta fin de selmana a Xixón con “Festexen la chancia” un nuevu espeácculu que va poder vese nel Teatru de la Llaboral esti sábadu 18 d’avientu.

Joaquín Reyes presenta un nuevu espectáculu d’humor ¿cómo quedáis? ¿col culu torcíu? ¿Twisted ass?. Preparó con gran percuru una axuntadura de babayaes para prestu del so queríu públicu y tamién, de dalgún despistáu que se meta nel teatru buscando humor intelixente. A pesar de ser yá un viejuno —nel mundu de la comedia entiéndese—, Reyes nun perdió la frescura de los sos entamos chanantes ¿esto quier dicir que sigui faciendo chancies sobro peos? Efectivamente asina ye. Ironía fina —y tamién gorda—, idees “relocas” y tonaes nihilistes tou eso y muncho más ye ¡Festexen la chancia!

Al llombu d’un poni alazán va percorrer la gran mayoría de los teatros del país, nuna xira onde se comprometió a actuar sobriu. Nun lo pierdan y festéxenlo!

Teatru de la Llaboral
Sábadu 18 d’avientu 2021

Tamién te podria gustar