Jessye Norman actúa nel Xovellanos con “Roots: My life, my song”

09 xunetu 08:28 2010 Imprimir

La cantante Jessye Norman pertenez a la llista onde figuren Renata Scotto, María Calas, Montserrat Caballé, Renata Tebaldi, Kiri Te Kanawa, Barbara Hendricks… Ye la llista de les 35 meyores sopranos de tolos tiempos. Considerada como figura absoluta de los escenarios operísticos mundiales, Jessye Norman namás atiende a siete cites nel mes de xunetu dientro de la so xira europea. Tres el so pasu per Xixón va ufiertar un conciertu en Barcelona, pa siguir el so periplu por Stuttgart y Mónacu.

El programa que va executar nel Xovellanos ta compuestu por dos partes estremaes. Na primera d’elles va tocar temes tradicionales espirituales y otros de Ch. Gabriel, D. Ellington, L. Bernstein, W. Donaldson o K. Weill, ente otros.

Na segunda parte, va interpretar repertoriu d’artistes franceses como F. Poulenc, V. Scotto o V. Duke, ente otros. En dambes partes va tar acompañada por Mark Markham al pianu, Ira Coleman al baxu, Steve Johns a la batería, Mike Lovatt cola trompeta, y Martin Williams col saxo, xiblates y clarinete.

  Categories:
Loading Facebook Comments ...