ConceyosPlástiques Jessica Nieves, Llucía Carrizu y Nair Rodríguez, ganadores del XXI Concursu de Cartelos y Fotografía del 8 de marzu by redacción asturnews 10 de xineru, 2020 written by redacción asturnews 10 de xineru, 2020 190 Entamáu pol Conceyu d’Avilés al traviés de la conceyalía d’Igualdá, acaben de conocese los ganadores del XXI Concursu de Cartelos y Fotografía del 8 de marzu. El cartelu vencedor, de título “Alma”, va presidir los actos del Día de la Muyer en 2020 n’Avilés, y recibe un premiu de 900 euros. La meyor fotografía en color, “Atrapando’l futuru”, y en blancu y negru, “Tradiciones ensin xéneru”, van tener un galardón de 600 euros cada unu. El cartelu que va presidir los actos del Día Internacional de la Muyer d’Avilés en 2020 lleva por títulu “Alma” y ye obra de l’avilesina Jessica Nieves Vieira. Foi escoyíu como’l ganador del XXI Concursu de Cartelos del 8 de marzu, qu’entama’l Conceyu d’Avilés al traviés de la conceyalía d’Igualdá. Nel XXI Concursu de Fotografía del 8 de marzu, na modalidá a color, la ganadora ye Llucía Carrizo Martínez, de Castrillón, cola so fotografía de títulu “Atrapando’l futuru”. En blancu y negru, el trabayu merecedor de la reconocencia ye “Tradiciones ensin xéneru”, obra de la uvieina Nair Rodríguez Díaz. Tantu nel casu del cartelu como nel de les fotografíes, los trabayos presentaos teníen de tar rellacionaos col Día Internacional de la Muyer. Nel primer casu, el galardón consta d’un premiu de 900 euros; nos otros dos, de 600. Con una dotación total para’l concursu de 2.100 euros. Valorábense la orixinalidá de les obres presentaes, la calidá técnica según la so trescendencia social. Alma, de Jessica Nieves Vieira “Alma”, de Jessica Nieves Vieira, foi escoyíu como’l meyor cartelu ente los 19 presentaos. En palabres de l’autora, “esti cartelu ye un tributu a toles muyeres, porque nun importa si somos altes o baxes, nun importa d’ónde somos, nun importa’l nuesu color de piel nin la nuesa edá. Importa que somos muyeres y que xuntes somos más fuertes” Nel cartelu, que’l so lema ye “Muyer, muyeres, les d’antes, les d’agora y les de mañana”, l’autora dexa les siguientes palabres: “Les que llucharon, les que lluchen y les que van lluchar por que les coses camuden. Nun ye solo un día, sinón tola vida. Ye momentu d’acabar colos estereotipos, ye momentu de cambéu”. “Atrapando’l futuru”, de Lucía Carrizo Martínez Na modalidá de fotografía a color foi escoyida “Atrapando’l futuru”, de Lucía Carrizo Martínez. Como ella mesma define, “el futuru preséntase esperanzador y lluminosu pa les nueves xeneraciones de muyeres. Igual qu’un muro frente al mar va venciendo pol efectu de les foles, los antiguos modelos de relación ente muyeres y homes van debilitándose y otros nuevos apaecen. Magar entá hai muncha torgues por superar, cuntamos coles ferramientes de les nueses antecesores, sobro les que sofitanos pa cumplir los nuesos oxetivos”. “Tradiciones ensin xéneru”, de Nair Rodríguez Díaz Na modalidá de fotografía en blancu y negru resultó ganadora “Tradiciones ensin xéneru”. Asina la define la so autora: “La imaxe amuesa les manos de trés xeneraciones (güela, madre y nietu), nun momentu cotidianu na cocina de casa preparando galletes. Pa mi, esta imaxe amuesa cómo les muyeres consiguen qu’eses tradiciones pasen d’una xeneración a otra y cómo anguaño nun esiste llimitación de xéneru pa ello: quiciabes va años les manos del neñu nun participaríen nesta actividá por ser considerada ‘mesma de muyeres’, pero sicasí anguaño eses percepciones yá nun esisten, por suerte. Ye un pequenu cambéu que reflexa tolo qu’avanzó la sociedá pa llegar onde tamos güei”. 0 FacebookTwitterPinterestEmail Anterior Uviéu sofita tamién la iniciativa “Asturies, capital mundial de la Poesía” de Graciano García siguiente Equidá y coeducación van ser les prioridaes pa la formación de los docentes Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles