Portada Lliteratura Javier Cayado Valdés ganó’l concursu Declara’l to amor pola llingua

Javier Cayado Valdés ganó’l concursu Declara’l to amor pola llingua

by asturnet

Na madrugada del vienres al sábado pasáu, nun actu cultural organizáu nel chigre de la Xunta Pola Defensa de la Llingua Asturiana (XPDLA), La Casa Posafuelles, diose a conocer el ganador del concursu Declara’l to amor pola llingua. Y d’ente los cerca de cien testos qu’entraron a concursu, y después de la escoyeta pol xuráu de los diez meyores, el ganador escoyíu polos veceros y veceres que pasaron pel chigre a lo llargo de tola selmana que duró la votación foi pa’l nomatu Sogallardi, que correspuende a Javier Cayado Valdés.

Tanto la obra ganadora, como les otres nueve finalistes pueden lleese na páxina web de la XPDLA. Xunta Moza fai una valoración positiva en cuantes a la participación nel concursu: mediu centenar de persones quixeron dexar la so declaración d’amor pola llingua y hubo xente que participó con más d’una creación.

Dende la XPDLA queieren agradecer a toles persones que sofitaron y participaron nesti concursu, amás de nel actu cultural en La Casa Posafuelles.

Tamién te podria gustar