James Bond busca illustradores y artistes pal cartelu de la so nueva película

La vixesimoquinta entrega de James Bond, Ensin tiempu pa morrer, ta a la vuelta la esquina, porque’l próximu 2 d’abril, la película va llegar a les sales y los productores tan a la gueta d’artistes ya illustradores para’l cartelu de la so nueva película.

El so protagonista, Daniel Craig, nun quier perder el tiempu y ya empezó a promocionar el filme. Y ye qu’al actor,ta faciendo-y especial ilusión, como él mesmu reconoció a la prensa, que va ser la quinta y última cinta na que va dar vida al axente 007.

Los amantes de la saga yá pudieron esfrutar de la primer meyora de la película, que va cuntar con artistes de la talla de Rami Malek, ganador del Oscar a Meyor Actor de la pasada edición, y Ana d’Armes. Agora, sicasí, fai falta un cartelu para tar al altor.

Por eso, Craig animó a artistes, ilustradores y diseñadores a que presenten les sos propuestes pa crear una propuesta con personalidá propia. Tolos diseños orixinales unviaos antes del 16 de xineru van ser evaluaos por un xuráu formáu por profesionales de los departamentos de Marketing de MGM, Universal Pictures International y United Artists Releasing

La propuesta motivó a munchos de los y les siguidores de la saga. Y ye que, amás de tener la posibilidá d’amosar el so arte, los participantes escoyíos van recibir un premiu en metálicu, amás d’asesoramientu y conseyu profesional per parte d’una axencia creativa.

La idea, esplica Craig, ye que pueda promocionase a una nueva xeneración d’artistes y puédase-yos introducir na industria l’entretenimientu. L’últimu día pa presentar les hores va ser el 16 de xineru de 2020 a les 18 hores. El ganadores van anunciar a principios de marzu na web 007.talenthouse.com