JAM Asturies trai a Xixón la música antigua

by redacción asturnews | julio 9, 2018 9:14 am

La JovenAsociación de Musicoloxía d’Asturies, JAM Asturies, desenvuelve esti programa d’acercamientu a la música compuesta mientres la Edá media, Renacimientu y Barrocu, lo que conocemos comúnmente como música antigua.

Esti programa, nomáu Alcuerdu Grosso pretende dotar al oyente de ferramientes d’analises que-y dexen faer una escucha consciente de les actuales manifestaciones musicales que cubren esti repertoriu. Son charres con conteníos audiovisuales  impartíes por xóvenes musicólogos de la JAM Asturies con demostrada esperiencia didáctica y musical.

L’alcuerdu grosso ye una forma musical surdida nel Barrocu y desenvuelta nes dómines siguientes. De forma básica, consiste n’una pieza en dellos movimientos na qu’unu o dellos solistes dialoguen con una orquesta. En tiempos de Corelli estremábense dos tipos distintos d’alcuerdo grosso: alcuerdo “da chiesa”, y l’alcuerdo “da camera”. Nesta sesión vamos tratar d’afondar en dambos modelos y nel so posterior desenvolvimientu ya importancia na música barroca.

Charres y Alcuentros. Festival de Música Antigua de Xixón. Centru de Cultura Antiguu Institutu.Llunes, 9 de Julio de 2018

Source URL: http://asturnews.com/jam-asturies-trai-a-xixon-la-musica-antigua/