Jaime Rodríguez inaugura con “Mechanical Dreams” el tercer ciclu de videoarte ‘La Ventana de la Factoría’

Jaime Rodríguez inaugura con “Mechanical Dreams” el tercer ciclu de videoarte ‘La Ventana de la Factoría’
07 febreru 09:50 2020 Imprimir

La Factoría Cultural inaugura’l so tercer ciclo de videoarte “La Ventana de la Factoría”, na que s’esiben al través de la cristalera de la so fachada videocreaciones que inviten a la reflexión y al disfrute. L’encargáu d’eentamar va ser l’artista uvieín Jaime Rodríguez col so “Mechanical Dreams”, que podrá vese hasta’l 26 de febreru, en reproducción continua ente les 20.00 y les 2.00 hores.

Nesta creación artística, Jaime Rodríguez averase al suañu de la identidá del ser humanu, nuna continua dialéctica ente l’individuu y el ser social. Espón ente imaxes cambiantes y soníu vivu la confrontación ente’l deséu y la norma, lo que da como resultáu un actu reflexu d’irracionalidá.

Jaime Rodríguez, nacíu n’Uviéu en 1968 y residente en La Felguera, ye un artista multidisciplinar con un dilatáu currículum, empecipiáu en 1993, y que-y dexó enfusase en disciplines como la pintura, la ilustración, el grabáu, les performances, el videoarte o la manipulación d’imaxe dixital.

Esti tercer ciclu de La Ventana de la Factoría, comisariáu por María Castellanos, lleva’l títulu de “Deas(orde)”, y englobará trés pieces, qu’a pesar de tener formalizaciones bien distintes, conflúin na so investigación sobro opuestos constantes na personalidá humana, como l’orde frente a lo que s’enche.

Los próximos artistes que van tomar el relevu de Jaime Rodríguez nesti tercer ciclu de videoarte de La Ventana de la Factoría van ser Raquel Meyers, del 27 de febreru al 17 de marzu, y Ana Pérez Valdés, del 18 de marzu al 7 d’abril.

  Categories: