Portada Plástiques Jaime Botín va cumplir 18 meses de prisión pol contrabandu d’un Picasso

Jaime Botín va cumplir 18 meses de prisión pol contrabandu d’un Picasso

by redacción asturnews

El Xulgáu de lo Penal númberu 27 de Madrid condergó esti xueves a Jaime Botín a 18 meses de cárcel y una multa de 52 millones d’euros por un delitu de contrabandu de bienes culturales. El tribunal topó culpable al expresidente de Bankinter y hermanu el fináu expresidente del Banco Santander Emilio Botín, d’intentar sacar d’España ensin permisu dalgunu la pintura ‘Cabeza de Muyer Nueva’ de Pablo Picasso.

La obra d’arte, valorada en 26,2 millones d’euros, foi prindada en 2015 nel barcu del condergáu en Córcega (Francia), de bandera inglesa. El xuez considera probáu que’l treslláu de la pintura nun cuntaba col preceptivu permisu de les autoridaes español y británicu y que por tanto, constitúi un delitu de contrabandu de bienes culturales.

La sentencia detalla que Botín mercó la pintura de 1906 nel añu 1977 y tuvola na so casa de Madrid y nuna finca de Ciudá Real. Nun momentu dáu, contactó cola empresa de puyes Christie’s para vender el cuadru n’una puya que se celebraría en febreru de 2013 en Londres.

El mesmu personal de la empresa fíxo-y saber que dada l’antigüedá de la pieza, tenía de cuntar con permisu del Ministeriu de Cultura para esportala y Botín autorizólos a tramitar les correspondientes llicencies faciendo constar que’l cuadru taba en Madrid y esa sería l’aduana de salida.

Sicasí, n’avientu de 2012, Patrimoniu negó l’autorización d’esportación, “atayando’l so propósitu de vendela nuna casa de puyes en Londres” por cuenta de la escepcionalidá del cuadru, pos pertenez al períodu “Gósol” del artista y nun hai obra asemeyada en territoriu español.

Botín foi alvertíu dempués de que’l Ministeriu de Cultura emitió orde Ministerial declarando la inexportabillidá del cuadru como midida cautelar hasta la pertinente declaración del mesmu como Bien d’Interés Cultural.

Tamién te podria gustar