Portada Cine J. A. Bayona celebra con ‘Jurassic World: El reinu cayíu’ los 25 años de la saga

J. A. Bayona celebra con ‘Jurassic World: El reinu cayíu’ los 25 años de la saga

by redacción asturnews

Tres la so celebrada triloxía sobra les relaciones maternu-filiales, J.A. Bayona enfrentase esta fin de selmana a palabres mayores col encargu de realizar la esitosa remortina de Jurassic World (2015), de Colin Trevorrow y, a lo postrero, quintu filme de la saga xurásica empecipiada por Steven Spielberg, qu’esti sábadu cumple 25 años.

El catalán yá diera amueses más que suficientes del so talentu para llamar l’atención del Rei Midas de Hollywood y debutar per tolo alto na meca del cine con una superproducción que s’estrena oficialmente nes sales españoles esti xueves. N’Estaos Xuníos va facelo’l próximu 22 de xunu.

Y ye que la resultancia de Jurassic World: El reinu cayíu non solo xáciase al mesmu altor colos dinosaurios del filme orixinal de Spielberg, sinón que supera en demasía les mires creaes. L’universu xurásicu qu’orquesta Bayona axunta tolos ingredientes para catapultar al cineasta de 43 años hasta lo más alto del firmamentu cinematográficu. Les sos dos hores y diez minutos de metraxe nun dan tregua al espectador dende la impresionante secuencia inicial, cola presencia apavoriante d’un enorme dinosauriu que paez comese la pantalla.

La cámara muéela con soltura de forma azogosa yá sía per tierra, mar o aire y lo más destacao de too ye que, magar l’acción y la destrucción que conforma esti relatu con guión de Colin Trevorrow y Derek Connolly, la buelga de Bayona notar en cada escena.

 

Tamién te podria gustar