Política Izquierda Xunida sofita les reivindicaciones de les entidaes locales menores pa evitar la so eliminación by asturnet 26 de setiembre, 2013 written by asturnet 26 de setiembre, 2013 79 El secretariu de Política Municipal d’IX, Manuel Fuentes, fai nesti sen un llamamientu de respaldu a la manifestación convocada mañana en Madrid pola FEEM y alvierte de que frente a los argumentos qu’utiliza’l PP pa xustificar la so desapaición, estes entidaes garanticen la cercanía y l’axilidá pal accesu a los servicios públicos, abaratando’l so costu tantu por faelos más accesibles como a la de la so xestión. Izquierda Xunida, al traviés del so secretariu de Política Municipal, Manuel Fuentes, espresa’l so ampliu sofitu a les reivindicaciones que defenden les Entidaes Locales Menores y del Mundu Rural. Nesti marcu, esta formación fai un llamamientu públicu de respaldu a la manifestación convocada mañana vienres en Madrid pola Federación Española d’Entidaes Locales Menores (FEEM) contra la reforma de l’Alministración Local impulsada pol Gobiernu de Mariano Rajoy que, na práctica, va suponer si nun s’evita un golpe mortal pa la pervivencia de les mesmes, cuando non la so directa eliminación. La manifestación anunciada pa mañana vienres va empezar a les 12,00 hores y va escurrir dende la see del Tribunal Constitucional hasta la redoma del Palaciu de La Moncloa. Na mesma va haber una amplia representación d’alcaldes, conceyales y miembros d’Izquierda Xunida. 0 FacebookTwitterPinterestEmail Anterior El Club Musical de TPA presenta a Misiva dende Grau siguiente «La Foz del Pielgu» desenvuelve esti domingu 29 la cuarta edición de les sos xornaes culturales Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA La normalización llingüística afitase dafechu nel Parlamentu Aína entama’l cursu políticu con un actu n’Uviéu Xixón aprueba’l proyectu d’Ordenanza d’Igualdá ente Muyeres y... “La Cultura atraxo a millón y mediu d’espectadores... Marta Mori renuncia a la vicepresidencia de l’Academia... Lluz verde a la convocatoria de subvenciones pa... Xixón homenaxeó a Jean-Pierre Darmendrail pola so contribución... El Principáu impulsa’l Festival Inclusivu por la Diversidá...