Portada Sociedá Izquierda Xunida de Samartín denuncia la paralización del Serviciu de Normalización Llingüística Municipal

Izquierda Xunida de Samartín denuncia la paralización del Serviciu de Normalización Llingüística Municipal

by asturnet

Izquierda Xunida de Samartín acusa al gobiernu del conceyu de paralizar l’actividá de la Oficina de Política Llingüística del conceyu. La coalición d’izquierdes considera que dende’l gobiernu municipal nun se fizo una previsión presupuestaria pal Serviciu de Normalización municipal.

El grupu municipal d’Izquierda Xunida en Samartín del Rei Aurelio denunció la “falta de previsión” del gobiernu municipal socialista de cara a presupuestar los costes d’actividá del Serviciu de Normalización Llingüística del conceyu. Esta falta de previsión supón, pa IX de Samartín, un frenu a l’actividá d’esti organismu que ye consideráu fundamental pa la normalización del usu alministrativu del idioma nel conceyu del Nalón.

La situación presupuestaria del Serviciu de Normalización de Samartín nun ye una escepción dientro de la Rede de Servicios de Normalización Llingüística. Los Servicios dependen financieramente, principalmente, de la subvención concedida pol gobiernu asturianu a esta aportación autonómica, y en dalgunos casos d’una aportación municipal que complementaría a l’autonómica.
Les subvenciones autonómiques pa estos Servicios anque avecen concedese nel primer trimestre del añu, por mor de los trámites alministrativos conlleven una demora nel cobru de varios meses. Esta situación provoca que munchos de los Servicios detengan la so actividá durante dalgunos periodos del añu, pola imposibilidá financiera de facer frente a los costes llaborales del personal de los Servicios.

Tamién te podria gustar