Sociedá Izquierda Xunida-BA volvió pidir na Xunta Xeneral la supresión del peaxe n’autovía del Güerna by asturnet 12 de xunu, 2005 written by asturnet 12 de xunu, 2005 23 El grupu parlamentariu d’Izquierda Xunida-Bloque por Asturies, per mano del so diputáu Aurelio Martín, presentó esti viernes 10 na Xunta Xeneral una nueva iniciativa pa consiguir la supresión del peaxe n’autovía del Güerna. La coalición encamienta-y al Conseyu de Gobiernu del Principáu que pida al executivu central una respuesta nel plazu másimu de tres meses na que se detalle la fórmula p’acabar col pagu na utilización de la principal vía de salida y entrada d’Asturies. Aurelio Martín calificó de “tomadura de pelo” la respuesta que’l gobiernu central-y dio al diputáu d’IU Gaspar Llamazares en preguntando pola supresión del peaxe del Güerna y de “auténtica estafa” pa los asturianos la prórroga d’esti sistema de pagu hasta l’añu 2050. Pal diputáu autonómicu d’IX-BA la respuesta del executivu de Madrid a les preguntes del so grupu nel parlamentu español “nun concreten nin detallen plazos, fórmula nin manera d’entamar la posible suspensión del peaxe”. Na esposición de la iniciativa del grupu parlamentariu d’Izquierda Xunida-Bloque, Martín refugó la posibilidá barruntada pol Ministeriu de Fomentu de facer una “autovía alternativa”, al Güerna, a la que se refirió como “una ocurrencia de duldosa execución y un auténticu despilfarru de dineru”. Con tal fin la coalición presentó una proposición non de llei énte la Xunta Xeneral pa qu’enantes de finar l’actual periodu de sesiones se discuta y llogre’l sofitu de tolos grupos parlamentarios. La iniciativa pide una respuesta al gobiernu de Madrid a la pitición de suprimir el peaxe de l’autovía A-66 y qu’esa respuesta se dea nun plazu non más grande de tres meses a cuntar dende’l momentu de plantease esti encamientu pa que se concrete plazos y fórmules pa facer francu el pasu de vehículos pel Güerna. 0 FacebookTwitterPinterestEmail Anterior Los diez meyores cantadores de tonada del añu ya tienen nome y amuesen la vitalidá del xéneru siguiente EITB1 emitió esti sábadu el programa alrodiu de Xuan Bello y de la lliteratura asturiana actual Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...