IX y PSOE felicitense por un presupuestu ‘netamente d’izquierda’ pa 2019

IX y PSOE felicitense por un presupuestu ‘netamente d’izquierda’ pa 2019
28 17:35 2018 Imprimir

IX y PSOE felicitense por un presupuestu ‘netamente d’izquierda’ pa 2019 col que Ramón Argüelles y Adrián Barbón daben esta selmana la bienvenida a Podemos a lo que nomaben como un nuevu escenariu de negociación y pactu.

Izquierda Xunida y FSA-PSOE escenificaron güei el pactu presupuestariu pa 2019 y que, supon, en palabres del coordinador xeneral d’IX, Ramón Argüelles, cuntar con un presupuestu “netamente d’izquierda”, daqué que, añedió, la formación vien intentando llograr a lo llargo de tola llexislatura. Argüelles reprochó a la presidenta del PP, Mercedes Fernández, la so roxura énte esti alcuerdu y la so falta d’empatía coles necesidaes reales de la sociedá asturiana. “El PP, si nun ye quitar l’impuestu de sucesiones, tolo demás son problemes: qu’ameyoren los servicios sociales, qu’ameyoren les prestaciones, ye un problema”.

El sofitu d’IX foi xustificáu por Ramón Argüelles por que recueye bona parte de les reivindicaciones programátiques de la formación. L’apueste por llograr l’alcuerdu en materia presupuestario nun ye nueva, recordó’l so coordinador xeneral, quien aludió al pactu que yá se suscribió l’añu pasáu y que sicasí nun pudo salir alantre énte la falta de sofitu de Podemos. “nun vamos da-y vueltes a esto, vamos dicir qu’esti tien que ser el camín, vamos ser propositivos y dicir qu’esti ye l’escenariu nun pa güei, p’anguaño en concreto, sinón pa una llexislatura próxima.”,

En cuanto al propiu documentu de presupuestos, IX amuesase arguyosu de que se llograre “blindar” una partida de más de 143 millones d’euros que van dexar, precisamente exes d’acción contra la esclusión social, como’l Salariu Social, midíes contra la probeza enerxética, infantil o habitacional.

  Categories:
Loading Facebook Comments ...