IX y Podemos impulsen con organizaciones ecoloxistes una ‘mayoría social’ contra la Llei de Calidá Ambiental

IX y Podemos impulsen con organizaciones ecoloxistes una ‘mayoría social’ contra la Llei de Calidá Ambiental
23 xunu 14:27 2022 Imprimir

IX y Podemos impulsen con organizaciones ecoloxistes una ‘mayoría social’ contra la Llei de Calidá Ambiental y frente a la contaminación del Gobiernu por lobbies empresariales, depués de qu’Ovidio Zapico y Nuria Rodríguez axuntáranse güei con representantes de 11 entidaes ambientalistas que desmienten a Cofiño, al asegurar que nun s’axuntaron col vicepresidente pa falar d’una reforma que consideren “regresiva” y “lesiva”.

La mayoría de les organizaciones ambientalistas d’Asturies amosaron güei el so refugu a la Llei de Calidá Ambiental, impulsada pol Gobiernu asturianu en connivencia con Ciudadanos, y aseguraron que, hasta’l momentu, nun tuvieren nenguna xunta con  Juan Cofiñu, contrariamente a lo qu’esti asegurara en see parlamentaria. Los diputaos d’IX y Podemos Ovidio Zapico y Nuria Rodríguez axuntáronse esta tarde colos representantes d’once entidaes de defensa de la redolada con quien busquen texer una alianza pa tratar de torgar que s’apruebe una nueva normativa “regresiva”, na que s’anteponen los intereses particulares a los xenerales. Ello ye que dambes formaciones anunciaron que van aprovechar el branu pa “trabayar” y pa formar una “mayoría social”, pa faer frente a una lexislación que denota la “contaminación” del Executivu rexonal por lobbies empresariales.

El delegáu n’Asturies de la Sociedá Española d’Ornitoloxía (SEO), Nicolás López, en representación de les once entidaes que güei se dieron cita nel Palaciu de la Xunta, reclamó “participación pública” nuna llei d’esti “caláu”, de la que desmintió que “nengún responsable del Gobiernu asturianu axuntárase colos grupos ambientales asturianos pa consensuar nada”. Al respective de la llei, López dexó afitao que se trata d’una normativa “bien lesiva pal caltenimientu del patrimoniu natural de la biodiversidá”. Nesti contestu, reclamó al executivu d’Adrián Barbón un cambéu radical nel planteamientu de la llei cola fin de “velar pol interés xeneral de la ciudadanía y non por intereses particulares que nada tienen que ver col caltenimientu del medioambiente, que ye garantía de salú para toos”.

  Categories:
Loading Facebook Comments ...