Portada Política IX y Foro respuenden a Iniciativa pidiendo presupuestu pa l’ALLA

IX y Foro respuenden a Iniciativa pidiendo presupuestu pa l’ALLA

by redacción asturnews
Web del Diccionariu de l'ALLA

Izquierda Xunida y Foro confirmaron yá la presentación de dos enmiendes a los Presupuestos Xenerales del Estáu (PXE), y el PSOE anunció que les sofitará, pa qu’incluyan una partida pa l’ALLA, respondiendo al pidimientu nesti sen d’Iniciativa pol Asturianu.

El pidimientu d’Iniciativa a tolos partíos políticos asturianos diba a la gueta d’algamar “la igualdá al respective d’otres academies de llingües, como la española, vasca, catalana o gallega”. El PSOE, al traviés del diputáu asturianu Antonio Trevín, anunció’l so votu a favor d’estes propuestes, pero’l PP sigue ensin responder a esti llamáu d’Iniciativa pol Asturianu.

Iniciativa pol Asturianu “vien proponiendo dende 2013 a los grupos políticos con representación por Asturies nel Congresu la presentación d’enmiedes d’esti tipu a los Presupuestos Xenerales. La propuesta cuntó con un gran alcuerdu nel parllamentu nos últimos dos años, colos votos favorables de tolos grupos, menos el PP y UPyD”.

Tamién te podria gustar