IX va presentar una PNL pa paralizar la lliquidación de la Filmoteca

IX va presentar una PNL pa paralizar la lliquidación de la Filomoteca y va pidir la comparecencia del Conseyeru de Cultura. El diputáu Ovidio Zapico vacía l’anuncia este día al tiempo que criticaba que’l Gobiernu tome decisiones de “tan fondu caláu” n’agostu y ensin reforzar los sos solitos parlamentarios.

Izquierda Xunida d’Asturies va pidir la comparecencia del Conseyeru de Cultura pa desplicar el procesu de lliquidación de la Filmoteca d’Asturies, que llega xuntu al despidu del so director, y va presentar una proposición non de llei (PNL) pa paralizar y revertir la decisión.

El diputáu Ovidio Zapico aseguró esti miércoles que l’Executivu tien de tomar conciencia, d’una vegada por toes, de que, na Xunta Xeneral, nun dispon de mayoría absoluta. “Un Gobiernu en minoría parlamentaria, hai que recordar que tien 14 de los 45 diputaos que formen la Cámara, nun puede tomar decisiones de tan fondu caláu políticu en plenu mes d’agostu. Siquier nun puede faelo ensin reforzar los sos sofitos parlamentarios na materia en concretu. Pa nós, fortalecer la ufierta cultural asturiana nun pasa por cerrar una institución de prestíu, que forma parte de nuesa ayalga cultural”, afirmó Zapico.