Portada Uncategorized IX va pidir la coordinación de les alministraciones pa erradicar los plumeros de la pampa

IX va pidir la coordinación de les alministraciones pa erradicar los plumeros de la pampa

by redacción asturnews

Izquierda Xunida va reclamar l’armonización urxente d’acciones ente toles alministraciones pal control y erradicación d’especies vexetales invasores, como la cortaderia selloana (conocida popularmente como’l plumeru de la pampa).

El coordinador xeneral d’IX Asturies, Manuel González Orviz, aseguró que les acciones que s’entamaron hasta’l momentu, tantu per parte del Principáu como per parte d’otres adminsitraciones tán teniendo unos efectos positivos, pero llamó l’atención sobre la necesidá de que les acciones que se realicen adoptense dende una visión global del territoriu. “De pocu sirve que se faigan controles y campañes de erradicación n’Asturies si en Cantabria, o Llugo, nun se tomen iguales midíes y lo mesmo puede dicise col restu de los territorios”.

Izquierda Xunida que vieno reclamando nos últimos años midíes pa erradicar ésta y otres especies considera que’l control d’estes especies invasores rique d’una especial atención. “Ye imprescindible que cuanto antes haya un plan interautonómico y estatal, nel que tamién tien de tenese en cuenta a los Conceyos”, afirmó Orviz.

Tamién te podria gustar