Portada Política IX-UP emplaza al restu partíos pa crear un intergrupu asturianu nel Congresu

IX-UP emplaza al restu partíos pa crear un intergrupu asturianu nel Congresu

by redacción asturnews
Camapaña al Congresu d'IX 2015

Manuel González Orviz cree que los partíos asturianos tienen que defender en Madrid con una postura común reivindicaciones históriques nes qu’hai consensu de Payares al norte y va emplazar al restu de fuerces pa crear un un intergrupo asturianu nel Congresu que defenda los intereses d’Asturies.

El coordinador xeneral d’IX y candidatu d’IX-Unidá Popular (UP) al Congresu, Manuel González Orviz, facía anuncia esta selmana de que “va proponer al restu de fuerces la creación d’un grupu inteparlamentariu asturianu en Madrid que sirva pa defender los intereses de la Comunidá Autónoma en cuestiones clave y na qu’esiste, siquier de Payares al norte, coincidencia”. Orviz caltenía esta selmana que va emplazar a tolos partíos políticos a tomar una posición común en relación a la protección de les persones, en relación a les infraestructures, en relación a toos aquellos asuntos que, como na Política Agraria Común (PAC), tan d’alcuerdu.

L’oxetivu ye llograr qu’esos consensos teóricos materialicense: “equí tol mundu ta d’alcuerdu na variante ferroviaria de Payares, tol mundu ta d’alcuerdu na reforma de la PAC, tol mundu ta d’alcuerdu notra serie de midíes pa que los derechos sociales lleguen al conxuntu de la xente, pero cuando pasen el Payares, y son diputaos, da-yos un aire y escaécense de los asturianos, d’Asturies”.

Esa busca d’una posición común tien que ser, a xuiciu del candidatu d’IX-UP, el centru del alderique. Y esa ye la razón cimera pola que va plantegar, dixo, “un intergrupu asturianu nel Parlamentu, ensin arrenunciar, lóxicamente, a tar cada unu adscritu a les nueses posiciones”.

Entamu de la camapaña al Congresu d'IX 2015

Entamu de la camapaña al Congresu d’IX 2015

 

Tamién te podria gustar