Portada Educación IX reprocha que la campaña de matriculación en Llingua dexárase pal 31 de xunu

IX reprocha que la campaña de matriculación en Llingua dexárase pal 31 de xunu

by redacción asturnews

Víctor Suárez, Responsable de Política Llingüística de la formación amosaba esta selmnana la so esmolición pol futuru de la materia de Llingua nel escenariu post-Covid y reprochaba que la campaña de matriculación en Llingua y Lliteratura dexárase na mayor parte de los centros pal 31 de xunu.

Izquierda Xunida pidió esta selmana a la Conseyería d’Educación qu’esplique los motivos que llevaron a que la campaña de matriculación na asignatura en Llingua Asturiana y Lliteratura realizárase na mayor parte los centros el 31 de xunu, y la incidencia d’esta tardanza na matriculación, por culpa de que la mayor parte del alumnáu realiza la elección nel periodu de matrícula. Amás, la formación, al traviés de so vocera, Ángela Vallina, quier saber el criteriu organizativu que se ta siguiendo pa xuntar, nel próximu cursu, al alumnáu que cursa esta asignatura frente a los que realicen la de Cultura, asina cómo pretenden garantizar el derechu de los estudiantes que quieren aprender n’asturianu y del profesoráu especialista nestes circunstancies. Izquierda Xunida presenta delles entrugues n’asturianu sobro l’asignatura de Llingua Asturiana y Lliteratura y la problemática del profesoráu interín na incorporación al nuevu cursu.

El responsable de Política Llingüística de la formación, Víctor Suárez, treslladó la so esmolición pol futuru de la materia nel escenariu post-Covid. “Nun tenemos tovía claro cómo se va xestionar organizativamente la docencia nel área de Llingua Asturiana y Lliteratura, qué garantíes tien el profesoráu especialista y cómo se va garantizar el derechu del alumnáu a cursar l’asignatura.”

Per otru llau, la organización manifiesta la so disconformidá cola campaña de matriculación na asignatura y encamienta a la conseyera a indicar qué incidencia tuvo la mesma en nueves matrícules. “Esperábemos un cambiu sustancial pa esti cursu, yá que la promoción de l’asignatura ye un mandáu de la Llei d’Usu que se tendría que tar cumpliendo. La campaña llegó a munchos centros l’últimu día de xunu cuando yá nun había alumnáu y cola pre-matrícula fecha nos más de los casos. Ye difícil que, d’esta manera, xuba de manera significativa’l númberu d’escolinos y escolines que cursen l’asignatura.”

Tamién te podria gustar