IX reprocha al PP que defenda en Galicia lo que niega n’Asturies

by redacción asturnews | enero 30, 2018 10:18 am

El voceru d’IX, Gaspar Llamazares, reprochó esti llunes al PP que defenda en Galicia lo que niega a la ciudadanía n’Asturies depués de que la cabezalera del PP Mercedes Fernandez tornara otra vuelta a manifestase contra la oficialidá.

Gaspar Llamazares refugó güei l’intentu d’asitiar l’alderique sobro la cooficialidá del asturianu fuera del contestu autonómicu, no que, al so xuiciu, paez una campaña pa “contaminar” cola cuestión catalana los derechos de la ciudadanía asturiana.

“Esiste un derechu de los falantes, qu’esiste en Galicia igual qu’Asturies. Resulta interesao que pal PP el derechu de los falantes de Galicia sía mayor a dereches d’Asturies”.

El voceru d’IX señaló qu’esta deriva antiasturiana de la derecha tenga que ver cola so propia coyuntura política, sofitando la cooficialidá del gallegu, de la que refuga la del asturianu. “Creo que ye murnio lo qu’asocedió ayeri nesti actu cultural nel que, per una parte, valorase la cultura universal, pero por otru degrádase o suburdiase la cultura propia”. Llamazares aludía asina al enfrentamientu que se vivió nel Campoamor cuando se presentaba la presentación de la obra de Claude Debussy “Pelléas et Mélisande” y, nes llocuciones (grabaes en dellos idiomes, incluyíu l’inglés) sonó l’asturianu. Pataleos de los disconformes frente a los aplausos de los emocionaos por escuchar, en llingua, una entrada a una obra que se representaba per vegada primera nel teatru uvieín.

Source URL: http://asturnews.com/ix-reprocha-al-pp-que-defenda-en-galicia-lo-que-niega-nasturies/