IX refuga los retayos na educación de 0 a 3 años

IX refuga los retayos na educación de 0 a 3 años
17 agostu 10:30 2015 Imprimir

Gaspar Llamazares vieno acabante d’esixir midíes qu’eviten l’amenorgamientu d’emplegu y que se rectifiquen los retayos anunciaos a los conceyos no que cinca a la educación ente los ceos y los tres años. El malestar d’IX amosábase nun comunicáu fechu públicu ayeri.

Nuna nota de prensa asoleyada esti día, Izquierda Xunida quería manifestar “el so malestar pola ambigüedá del conseyeru d’educación en relación a los retayos d’emplegu na enseñanza 0 a 3 y emplaza al Gobiernu al cumplimientu de l’axenda de investidura, con un apueste pola ampliación de la cobertoria pública y reconsideracion de matricular y les exenciones nesta etapa educativa”.

El voceru d’IX na Xunta Xeneral del Principáu d’Asturies, Gaspar Llamazares, refugaba güei “la posibilidá de retayos en 0 a 3 y esclarió que l’alcuerdu de investidura preve xusto lo contrario“, polo que emplazó al executivu de Javier Fernández a buscar soluciones. “L’allugamientu al gobiernu nun ye sólo pa que cumpla los sos compromisos en 0 a 3 a lo llargo de la llexislatura, ye pa que nun haya nengún amenorgamientu d’emplegu a lo llargo d’anguaño y nel entamu de cursu”, dixo nes sos declaraciones.

IX va esixir el caltenimientu, ensin ambigüedaes nin dilaciones de la plantiya actual, tal que s’alcordara col gobiernu y, arriendes d’ello, la rectificación de los retayos unviaos a los conceyos afectaos.

  Categories:
Loading Facebook Comments ...