Portada Educación IX reclama volver a la xornada llectiva de 18 hores

IX reclama volver a la xornada llectiva de 18 hores

by redacción asturnews
Concha Masa y Llamazares en rueda de prensa na Xunta Xeneral

La diputada d’IX Concha Masa y la Secretaria d’Acción Sindical de la Federación d’Enseñanza de CCOO, Marta Mori, reclamaron ayeri al Conseyeru d’Educación Alonso por que’l profesoráu pueda volver a la xornada llectiva de 18 hores.

Concha Masa, diputada d’IX na Xunta Xeneral, esixó al Conseyeru d’Educación, Genaro Alonso, que quiera que non, cumpla lo comprometío y ponga en marcha la xornada de 18 hores lectives pal profesoráu de Secundaria, dempués del fracasu de la mesa sectorial de negociación colos sindicatos UXT y Anpe. A xuiciu de la diputada d’IX ye necesario qu’Alonso ponga fin a la incertidume xenerada col fracasu de la negociación y la incertidume y esmolición que caltien un profesoráu aballáu” por xornaes lectives de 20 hores –decretaes pol Gobiernu del PP-. Masa aseguró que la vuelta a les 18 hores lectives ye “prioritaria” pa IX para poder recuperar los derechos recortaos pol Partíu Popular, independiente d’otres meyores como l’amenorgamientu de la xornada pa mayores de 55 años o otros complementos retributivos nos que s’amosó d’alcuerdu pero énte los qu’hai que dir pasu a pasu, “asegurando”.

La diputada d’IX ufiertó esti dia una rueda de prensa acompañada por Marta Mori, la Secretaria d’Acción Sindical y Llingua de la Federación d’Enseñanza de CCOO d’Asturies, sindicatu que sí sofitó na mesa sectorial d’Educación l’aplicación de la xornada lectiva de 18 hores el cursu 2019-2020. Mori llamentó la rotura de la negociación nel marcu de la meyora de les condiciones llaborales de la función pública, porque pon en riesgu l’aplicación pal cursu que vien d’una midida que repercutiría en, siquier, la creación de 420 nuevos puestos de trabayu y supondría un costu yá aprobáu, según la so memoria económica, de 13 millones d’euros. Enagora, y énte l’ausencia d’una nueva ronda negociadora y la incertidume, CCOO anuncia movilizaciones pal 18 d’Ochobre. La esmolición nel sindicatu vien dada tamién pol periodu de tramitación d’un decretu estatal per parte d’un Gobiernu ensin mayoría, decretu que, per otru llau, regula la “posibilidá” de rebaxar les hores lectives, pero non la obligación, y dexa, poro, en manos de les comunidaes una midida que podría acabar significando qu’unes comunidaes tuvieren xornaes de 18 hores, otres de 19 y otres de 20.

Tamién te podria gustar