IX reclama una intervención urxente na ilesia de San Pedro d’Arroxo, en Quirós

IX pide un estudiu urxente y midíes pa detener el deterioru de la ilesia de San Pedro d’Arroxo en Quirós nuna visita que facía esti martes Concha Masa al conceyu.

La diputada Concha Masa, al pie de la secretaria de política municipal, Gabriela Alvarez, el conceyal nesi conceyu, Fabián Álvarez, y el coordinador local, Adolfo del Corru, Visitaron güei esti templu románicu pa comprobar insitu la situación del inmueble, amenaciáu pol pisamientu de cimientos que fai temer al mediu plazu’l so esbarrumbe.

Concha Masa, qu’esta mesma tarde del martes tenía una intervención na Comisión de cultura na Xunta Xeneral del Principáu, reivindicó una actuación inmediata dada la situación del edificiu. La parllamentaria recordó que dende la conseyería de cultura prometiérase los últimos años realizar estudios y obres de meyora pero hasta agora nada sabía fecho. En San Pedro d’Arroxo Asitiárense testigos para comprobar les debilidaes de les sos parés nos años 1999 y 2002. D’éstos, bona parte d’ellos hanse rotu de resultes de les tensiones estructurales.

El conceyal Fabián Álvarez reclamó que se faiga con calter d’urxencia un estudiu, siquier, pa conocer si esiste dalgún peligru tanto pal edificiu y sobre los riesgos pa les persones que puedan visitalo y utilizalo como templu, una y bones el deterioru xeneró medrana a que siquier una parte pueda venise embaxo. El conceyal reprochó la pasividá de l’Alministración rexonal, pero tamién del Gobiernu municipal que mira escontra otru llau.

Pal secretariu de política municipal d’IX d’Asturies ye indispensable que s’atiendan los pidimientos sobre esti inmueble, dáu’l so altu valor patrimonial, que al so xuiciu podría sirvir como revulsivu d’atracción d’un turismu calidable.