IX reclama l’impulsu de la cooficialidá como rempuesta a Fernández

by redacción asturnews | enero 25, 2018 10:13 am

El coordinador xeneral d’IX, Ramón Argüelles, retrucó esti miércoles al presidente d’Asturies que convien nun confundir llingua y nacionalismos, polo que, al so xuiciu, aventurar que la oficialidá va dar “aire” a los nacionalismos ye cuandoquier aventuráu.

El coordinador xeneral d’IX, Ramón Argüelles, retrucó güei al presidente d’Asturies que convien nun confundir llingua y nacionalismos, polo que, al so xuiciu, aventurar que la oficialidá va dar “aire” a los nacionalismos ye cuandoquier aventuráu. Argüelles refuga que la oficialidá de Llingua dea ‘aire’ a nacionalismos y reclama el so impulsu y protección: “queremos refugar lóxicamente esa teoría: los idiomes nun son armes refundizes; son les persones les que busquen o non conflictos”, dixo.

Argüelles señaló que llugares como Gales, con una llingua propia, nun ponen en cuestión la so identidá británica, ente que n’Escocia nun ye la llingua’l problema sobro’l que se sofita’l so fuerte sentimientu independentista.  Inclusive nel ámbitu hispanu, el coordinador xeneral d’IX aludió a cómo a pesar d’usu común del español surdieron nacionalismos y países ónde los elementos identitarios nun pasaron pola llingua.

L’asturianu, la llingua, señaló Argüelles ye un patrimonii que, al igual que los edificios y monumentos tien de ser protexíu. Eso sí, añedió, “ensin utilizala como arma refundiza, sinón como un derechu de garantía y de cultura pa les xeneraciones que vengan dempués”

Source URL: http://asturnews.com/ix-reclama-limpulsu-de-la-cooficialida-como-rempuesta-a-fernandez/