IX reclama al Gobiernu que ‘tome les riendes’ pa la oficialidá

IX reclama al Gobiernu que ‘tome les riendes’ pa la oficialidá
04 14:26 2021 Imprimir

IX vieno acabante reclamar esti día al Gobiernu que ‘tome les riendes’ pa la oficialidá con propuestes concretes Ángela Vallina reprochaba ayeri miércoles que dende les files socialistes ten escudándose nos grupos minoritarios mientres cuerre’l tiempu y avancen llexislatura y plazos.

La vocera d’IX, Ángela Vallina, reclamó ayeri al Gobiernu qu’asuma la so responsabilidá pa impulsar el procesu de negociación de la reforma estatutaria pa la oficialidá, énte les declaraciones de la vocera socialista que declarara a los medios que taben esperando a que’l restu de fuerces plantegen les sos propuestes.

“Nun entiendo perbién les declaraciones de la vocera socialista porque, vamos ver, el Gobiernu ye’l que tien que tomar les riendes nesti asuntu: ye Gobiernu, tien 20 diputaos” dixo Vallina, de la que facía alcordanza que nun tien lóxica que sían los grupos minoritarios los que lleven equí la iniciativa: “Paezme llamentable, bonalmente. Nós, como sabéis, tuvimos la primer xunta ayeri, onde ellos (el Gobiernu) espunxeron les cifres d’esi presupuestu y espunxeron que dixebraben la negociación estatutaria de la negociación presupuestaria”.

Nesti contestu, pa IX ye imprescindible que’l Gobiernu presente una propuesta concreta pa la oficialidá a partir de la que’l restu de fuerces tendrán d’asitiase. “Lo que nun podemos ye opinar sobre vacíu”. Al respective d’una posible xunta con Foro, Vallina repitió qu’IX ta dispuesta a caltener esi alcuentru en cuanto se plantegue formalmente: “tamién nos interesa saber les sos condiciones”. Na Cámara, esplicó la diputada, el voceru forista Adrián Pumares, yá dixo delles coses, sicasí, fai falta conocer “cuál ye’l preciu que pon Foro al asturianu”.

Loading Facebook Comments ...