IX presenta una PNL pa reforzar la RTPA como serviciu públicu

IX presenta una PNL pa reforzar la RTPA como serviciu públicu
14 xunetu 14:48 2020 Imprimir

IX vieno acabante presentar una PNL pa reforzar la RTPA como serviciu públicu ‘indispensable’ defendiendo que l’ente favorez la cohesión territorial, fortalez la cultura asturiana y la Llingua y tien capacidá pa dinamizar la industria audiovisual y cultural.

IX presentó esti llunes una Proposición non de Llei (PNL) pa reforzar la Radio y la Televisión del Principáu d’Asturies (RTPA) como una entidá pública “indispensable·, tantu dende la perspectiva de la tresparencia informativa y el derechu a la información como pola so capacidá para la cohesión del territoriu.

El diputáu Ovidio Zapico y el representante d’IX na RTPA, Vicente González Bernaldo de Quirós, defendieron esti llunes la propuesta qu’aspira a cuntar con mayoría na Cámara pa salir alantre.”Pretendemos reforzar la RTPA y facer, de primeres, porque nos paez que ye un elementu que cohesiona’l territoriu” y eso xulguen que ye bien importante: “que ye un elementu amás que promocionó mientres toos estos años, y más que puede facer, tolo que tien que ver cola cultura asturiana, tolo que tien que ver cola Llingua; que ye un elementu qu’impulsa’l sector audiovisual d’Asturies que, poro, xenera emplegu, xenera actividá económica que ye una industria y que tien amás munches más potencialidaes; y, sobremanera, que ye más qu’un medio de comunicación: ye un serviciu públicu esencial que ye, sobremanera, una garantía democrática”, resumió Zapico.

El parllamentariu esplicó que van pidir al restu de grupos democráticos que se sumen a la iniciativa que, nel so primer puntu, amuesa’l sofitu y considerancia a la RTPA y escontra los sos trabayadores. Entre les prioridaes de la iniciativa, IX pretende que s’impulse de forma específica la Radio d’Asturies. Nesi sentíu, Zapico amosóse convencíu de que la cadena radiodifusora pública tien un potencial comunicativo y cultural que ta por desenvolver. “La radio del Principáu d’Asturies ta infrautilizada; creemos que merez esi impulsu p’asitiala al altor d’otres radios asturianes”, enfatizó’l diputáu. Por ello, señaló Ovidio Zapico, el Gobiernu d’Asturies tien de comprometese col desenvolvimientu de la RTPA, lo qu’esixe tamién compromisos en materia presupuestario y financiera. Trátase, añedió, “non yá de llograr el so caltenimientu sinón p’aspirar a daqué que se nos antoxa esencial, como ye la so modernización”. La PNL nun ye finalista sinón que se plantega como l’entamu d’un nuevu períodu pa la radio y la televisión pública. Nesti sentíu, Zapico fizo un llamamientu al restu de fuerces pa empezar a trabayar sobro’l mandatu marco.

  Categories:
Loading Facebook Comments ...