IX presenta 160 enmiendes parciales a la LOMCE

18 setiembre 07:43 2013 Imprimir

IX, ICV-EUiA, CHA presenta 160 enmiendes parciales que tomen tol articuláu de la LOMCE tres un procesu de participación abiertu al conxuntu de la comunidá educativa; enmiendes nes plantega que l’alternativa a la contrarreforma del Gobiernu del PP pasa por potenciar una Educación Público y laico, garantizar el derechu universal a la educación en condiciones d’igualdá y contribuyir al ésitu escolar de tol alumnáu.

El Grupu Parlamentariu d’IX, ICV-EUiA, CHA plantega un total de 160 enmiendes parciales al proyectu de Llei pa la Meyora de la Calidá Educativa (LOMCE), tamién conocíu como ‘Llei Wert’, que tomen la totalidá del so articuláu, tantu a la esposición de motivos como a les 93 cambeos que nel testu realizase a la vixente Llei Orgánica d’Educación.

La vocera parlamentaria d’IX alvierte de que “los cambeos plantegaos nes nueses 160 enmiendes defenden la Escuela Pública frente al papel subsidiario al que busca apostrala’l PP. Refugamos radicalmente, en coincidencia coles demandes de la comunidá educativa, el calter netamente mercantilista de la llei, que supedita la educación a intereses economicistas, suprimiendo materies y conteníos que s’envaloren pocu ‘preseos’ pal mercáu, mientres s’asitia a les empreses como parte primordial del sistema educativu”.

No concreto, bona parte de les enmiendes plantegaes denuncien la falta de base científica y pedagóxica de la LOMCE, llarada d’afirmaciones y midíes que contradicen o tracamundien resultancies d’investigaciones internacionales col fin d’afaese a los principios ideolóxicos ultraconservadores que pretende xustificar.

Les enmiendes planteguen una educación personalizada, integral ya inclusiva, pa ser desenvuelta n’igualdá y de una forma democrática que potencie la participación de tola comunidá educativa. Pa ello ye imprescindible que se motive al profesoráu y que cunte con financiamientu públicu abondu.

  Categories:
Loading Facebook Comments ...