IX pide-y al Conseyeru igua pal bachiller de Zarréu

IX pide-y al Conseyeru igua pal bachiller de Zarréu
10 setiembre 16:25 2015 Imprimir

Izquierda Xunida d’Asturies pidió-y esta selmana al conseyeru d’Educación, Genaro Alonso, que reciba a l’asociación de madres y padres de Zarréu pa atender la solicitú d’esti colectivu d’enllantar los estudios de bachilleratu nesta localidá.

La diputada d’IX, Concha Masa, axuntóse’l miércoles col conseyeru, a quien reclamó qu’escuche les reivindicaciones del AMPA de Zarréu pa implantar el bachiller nel conceyu, cola fin d’evitar que los sos fíos y fíes tengan que salir d’Asturies pa siguir la so educación, tres la educación obligatoria.

Anguaño, los escolares de Zarréu tán obligaos a matriculase en Vil.lablinu, yá na Comunidá de Castiella y Llión, y de resultes d’ello tienen unos índices de absentismu escolar superiores a la media nos meses más crudos del iviernu, daes les dificultaes de les comunicaciones ente una y otra localidá pola nieve.

Loading Facebook Comments ...