ConceyosEducación IX pide al Principáu qu’asuma la rede d’escueles infantiles de 0 a 3 by redacción asturnews 11 d'agostu, 2015 written by redacción asturnews 11 d'agostu, 2015 52 Izquierda Xunida va plantegar otra vuelta que la rede d’escueles infantiles de 0 a 3 años sía asumida directamente pol Principáu d’Asturies, sigún desplicó’l diputáu autonómicu Ovidio Zapico, pal qu’esa vía ye la más lóxica pa garantizar un serviciu homoxéneu en tol territoriu, de la que se facilita la planificación de la mesma rede. IX, recordó’l parllamentariu, yá propunxera na anterior llexislatura que l’alministración autonómica asumiera esti serviciu educativu. “Creemos qu’esti ye’l momentu, más porque yá hai un compromisu nel alcuerdu de investidura pa que la educación dende los 2 años sía emprestada directamente dientro del sistema rexonal d’educación”, dixo Ovidio Zapico na presentación de la propuesta al final de la selmana pasada, amosando nidiamente la idega de la propuesta. La planificación rexonal, en cuenta de como ye agora que la titularidá de les escueles de 0 a 3 ye de los conceyos, va dexar, señaló Zapico, que se tomen midíes pa evitar una baxada de la matrícula, consecuencia sobremanera de la situación de crisis. Anguaño’l Principáu anunció una baxada de les subvenciones que se van habilitar pa los conceyos porque se produció un descensu nes previsiones de matrícules, pero la realidá yera pa IX “qu’esa baxada respuende non de que nun haya neños y neñes susceptibles de beneficiase d’esti serviciu, sinón de les dificultaes económiques de munches families p’asumir el copagu d’esta educación temprana que fai que decidan nun inscribilos, ante los problemes pa satisfaer el costu”. EducaciónEscuelesEscueles de 0 a 3infantilIXIzquierda XUnidaOvidio Zapico 0 FacebookTwitterPinterestEmail Anterior La representación asturiana brilló na Grande Parade de Lorient col valir que cada añu amuesa’l nuesu folklor nel Festival siguiente Los cursos de la UABRA entren na so segunda selmana Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles