Portada Hestoria IX pide al Gobiernu que garantice la Llei de Memoria Histórica

IX pide al Gobiernu que garantice la Llei de Memoria Histórica

by redacción asturnews
Marta Pulgar, diputada por Izquierda Xunida na Xunta Xeneral del Principáu

Izquierda Xunida esixe al Gobiernu del Principáu qu’asuma la so responsabilidá nel cumplimientu de la Llei de Memoria Histórica, sobremanera pola posición del Gobiernu Central,  como señaló la diputada Marta Pulgar nuna pregunta al Gobiernu de Javier Fernández.

La diputada d’IX, Marta Pulgar, presentó esta selmana a la mesa de la Xunta Xeneral del Principáu, trés preguntes precisamente pa que l’executivu de Javier Fernández esclarie si tien previsto implementar les midíes necesaries pa evitar que la Llei de Memoria Histórica pase al olvidu.

Y de la que lo facía dexó clares les intenciones d’IX: “El nuesu oxetivu ye que se cumpla llei. Asturies foi una comunidá especialmente cutida, tantu mientres la guerra bélica como, depués, pola represión del réxime fascista de Franco. Nun podemos permanecer impasibles viendo como’l PP vacía de conteníu y recursos la Llei de Memoria Histórica y nun podríamos entender, tampoco, que’l Gobiernu del Principáu conformárase aceptando l’olvidu. Creemos qu’Asturies tien que llantar cara y esixir al Gobiernu d’España que cumpla cola memoria y la dignidá de les víctimes”.

Pulgar reclama al Gobiernu qu’esplique si tien previsto impulsar l’actualización del mapa de fueses comunes, anovando la collaboración pa esti fin cola Universidá d’Uviéu y les asociaciones pa la recuperación de la memoria histórica y el so compromisu presupuestariu pa llevar a efectu’l conteníu de la llei 52/2007 (de Memoria Histórica) pola que se reconocen y amplíen derechos y establécense midíes a favor de quien carecieron persecución o violencia mientres la guerra civil y la dictadura.

IX tamién demanda al Principáu qu’esplique si ta previstu crear, nel Ámbitu de la comunidá Autónoma una Oficina de Víctimes de la Guerra Civil y la Dictadura, pa salvaguardar l’afayadiza tutela de los derechos de les persones y asociaciones interesaes o, siquier, si va solicitar al Gobiernu Central que se recupere esa oficina nos términos que nel so día se plantegaron nel Congresu de los Diputaos col sofitu del grupu Socialista.

Tamién te podria gustar