IX apura l’amenorgamientu de la xornada lectiva pa esti cursu

IX apura l’amenorgamientu de la xornada lectiva pa esti cursu
04 agostu 10:01 2018 Imprimir

IX apura l’amenorgamientu de la xornada lectiva por que se aplique yá esti cursu y failo dende un comunicáu nel que s’alvierte de qu’otres comunidaes autónomes de signu progresista «yá transiten pola sienda de la recuperación de derechos».

El diputáu rexonal d’IX Ovidio Zapico pidió ayeri al Gobiernu de Javier Fernández, polo xeneral, y al conseyeru d’Educación, Genaro Alonso sobremanera, que trabayen mientres el mes d’agostu pa poder empecipiar el cursu escolar col amenorgamientu de la xornada llectiva del profesoráu de Secundaria a 18 hores. El diputáu d’IX tarrez que’l conseyeru d’Educación pretenda escondese tres el Ministeriu d’Educación pa nun devolver al profesoráu asturianu los horarios anteriores a 2012.

«Tendría que faese yá esti mes de setiembre», señaló Zapico nun comunicáu nel qu’alvierte de qu’otres comunidaes autónomes de signu progresista «yá transiten pola sienda de la recuperación de derechos». Dende IX nun entienden que’l Gobiernu socialista y la FSA nun implementen les 18 hores en septiembre y que «pongan una escusa de mal pagador, retardando un añu’l compromisu que yá teníen adquiríu pal cursu qu’empieza dientro d’unes selmanes».

  Categories: