Portada Cine Isabel Coixet gana’l Premiu Nacional de Cine

Isabel Coixet gana’l Premiu Nacional de Cine

by redacción asturnews

La directora y guionista catalana Isabel Coixet (Barcelona, 1960) alzóse esti vienres col Premiu Nacional de Cinematografía 2020. El xuráu reconoz la so capacidá pa “abrir nuevos caminos nel cine español”, según “el so inconformismu, so versatilidá y la proyección internacional del so trabayu”.

El galardón sumase a los ocho Goya y otros munchos premios, como la Medaya d’Oru de les Belles Artes, que la cineasta recibió a lo llargo de la so estensa carrera. La llibrería, La vida secreta de les palabres, La mio vida ensin mi o Coses que nunca te dixi son dalgunes de les sos obres más aplaudíes. Agora ta a puntu de presentar el so últimu filme, Nieva en Benidorm .

Los xueces del Premiu Nacional quixeron “poner en valor una trayectoria de más de trés décades caracterizada por abrir nuevos caminos nel cine español”, según señalen na nota oficial sobro’l premiu. Coixet y les sos películes son –opinen los miembros del xuráu– “un estímulu y un referente imprescindible” ensin el cual “el cine español nun sería’l mesmu

La obra de Coixet, añeden, “transita por ámbitos xeográficos, culturales, llingüísticos y estilísticos diversos”. Tratase d’una cineasta que “destaca pola so llibertá pa escoyer temes, la so valentía p’asumir riesgos, el so inconformismu, el so versatilidad y la proyección internacional del so trabayu”. Y tamién pol so sofitu a una nueva xeneración de cineastes y el so compromisu cola igualdá y les causes sociales”.

Tamién te podria gustar