ConceyosPolíticaSociedá Iniciativa recuerda en Sotrondio que la oficialidá xenera imaxe de marca p’Asturies by redacción asturnews 13 d'avientu, 2018 written by redacción asturnews 13 d'avientu, 2018 36 Inaciu Galán, presidente d’Iniciativa pol Asturianu, intervino esta selmana nuna charra en Sotrondio embaxo’l títulu “¿Por qué ye necesaria la oficialidá del asturianu? Drechos llingüísticos n’Asturies” onde dixo que “güei recordamos en Sotrondio que la oficialidá del nuesu idioma ye una manera pa xenerar imaxe de marca p’Asturies, daqué que nestos momentos ye mui importante y mui interesante, amás nun llugar como ye la cuenca minera”. Galán recordó que “la oficialidá va valir pa garantizar la igualdá y la llibertá pero tamién ye importante tener en cuenta que va atrayer consigo un crecimientu de l’autoestima colectiva que tanto precisa Asturies”. El presidente d’Iniciativa pol Asturianu dixo tamién que “ye amás una imaxe de marca p’Asturies a nivel comercial y turísiticu. Pa Iniciativa pol Asturianu, un patrimoniu cultural del altor d’un idioma ye un elementu clave pa dase a conocer nel mundu y ser atractivos al visitante”. Inaciu Galán dixo p’acabar que “tamos faciendo esta campaña pa demostrar con argumentos y rempuestes el motivu pol que la oficialidá ye llibertá y una forma de protexer un patrimoniu dando seguridá xurídica a les persones que quieren falar asturianu en diferentes ámbitos, nun hai nada más constitucional que facer cumplir precisamente la Constitución, que da un mandatu claru, les llingües sedrá oficiales”. “Nun entendemos cómo dalgunos pueden presumir de defender la Constitución y al mesmu tiempu negar la puesta en práctica de la mesma”. 0 FacebookTwitterPinterestEmail Anterior “L’apueste empresarial pol profesional sénior” centra unes xornaes esti vienres siguiente Cultura podría poner fin al conflictu de los papeles de Salamanca en 2019 Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón