ComunicaciónConceyosSociedá Iniciativa recuerda a la presidenta del Conseyu de la Mocedá que puede matriculase nos cursos d’asturianu by redacción asturnews 10 d'ochobre, 2018 written by redacción asturnews 10 d'ochobre, 2018 209 Iniciativa pol Asturianu vieno acabante facer alcordanza con ironía a la presidenta del Conseyu de la Mocedá d’Uviéu que tovía puede matriculase nos cursos d’asturianu: “La meyor solución pa conocer l’idioma y cumplir colos estatutos del ente que preside ye formase n’asturianu”, dicen-y na nota de prensa asoleyada esti martes. Iniciativa pol Asturianu a traviés del so presidente, Inaciu Galán, quixo manifestar lo so sorpresa poles declaraciones de la presidenta del Conseyu de Mocedá d’Uviéu nes que decía nun entender un cartel del Conceyu d’Uviéu que s’alcuentra n’asturianu. “Dende la organización invitamos a Carlota Fernández-Cid a participar nos nuesos cursos d’asturianu y demostrar d’esta manera que nun tien nengún prexuiciu escontra la llingua asturiana” aseguró Galán. Inaciu Galán añadió que “la meyor solución conocer l’idioma y cumplir colos estatutos del ente que preside ye formase n’asturianu. Nun ye almisible que la presidenta d’una federación d’asociaciones xuveniles na que nos sos estatutos ta recoyida la promoción del asturianu faiga unes declaraciones d’esti tipu”. Dende Iniciativa pol Asturianu inviten, “amablemente, a la presidenta del Conseyu de la Mocedá d’Uviéu a participar nos nuesos cursos pa poder d’esta manera entender esos carteles que tanto-y cuesta comprender”. 0 FacebookTwitterPinterestEmail Anterior Convocáu’l VIII Certame de Cuentos sobro Mediu Ambiente de Xixón siguiente El profesoráu pide a los padres que nun falten nos grupos de Whatsapp Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón