Iniciativa pol Asturianu pon en marcha la campaña “Regala n’asturianu”

by redacción asturnews | diciembre 7, 2017 10:22 am

Iniciativa pol Asturianu pon en marcha la campaña “Regala n’asturianu”, animando a la sociedá civil a participar nesta campaña cola etiqueta #regalaNast.

Iniciativa pol Asturianu punxo en marcha estos díes una campaña p’afalar el regalu n’asturianu nes fiestes navidiegues, promocionando a les empreses qu’ufren productos y servicios n’asturianu y animando a los consumidores a mercar n’elles.

La campaña quier complementar a la puesta en marcha dende l’alministración, que ye más xenérica, y dar nesti casu, idees concretes de productos y servicios n’asturianu, animando a tol mundu a incluyir idees cola etiqueta #regalaNast nes redes sociales. Inclúyense na campaña dellos diseños animando al consumu n’asturianu, asina como llamaos a conocer les empreses de tolos ámbitos económicos qu’empleguen l’asturianu na so actividá profesional.

Source URL: http://asturnews.com/iniciativa-pol-asturianu-pon-en-marcha-la-campana-regala-nasturianu/