ComunicaciónSociedá Iniciativa pol Asturianu participa nel Alcuentru de Mocedá Falante de Llingües Minorizaes de Gasteiz by redacción asturnews 17 de xunetu, 2018 written by redacción asturnews 17 de xunetu, 2018 63 Iniciativa pol Asturianu va tar presente esta selmana nel Segundu Alcuentru de Mocedá Falante de Llingües Minorizaes de Gasteiz qu’eentamó esti llunes y qu’aconceya a les organizaciones de defensa de llingües minorizaes de los cinco continentes. Inaciu Galán ya Iván Llera, presidente y vocal de Iniciativa pol Asturianu respectivamente, van representar estos dies a la ONG nel HIGA!, el Segundu Alcuentru de Mocedá Falante de Llingües Minorizaes, que va tener llugar del 16 al 19 de xunetu en Gasteiz. Iniciativa pol Asturianu quier aprovechar la so presencia nesti eventu pa siguir estrechando llazos d’amistá y collaboración con otres organizaciones que representen a llingües minorizaes de los cinco continentes. Nuna nota de prensa asoleyada esti martes, la organización ódesplica que los representantes d’Iniciativa pol Asturianu van participar en dellos talleres contando les esperiencies de la organización, la situación actual al rodiu de la llingua asturiana y van presentar el documental ‘La vida ensin oficialidá’. El reportaxe, que recueye dellos casos de discriminación llingüística, estrenóse en febreru nel seminariu ‘Oficialidá, el camín constitucional pal futuru del asturianu’ celebráu en febreru n’Uviéu y que cuntó cola participación del rector de la Universidá, Santiago García Granda. La celebración d’esti alcuentru coincide con un momentu de gran atención mediática y de les instituciones internacionales pol estatus llegal de la llingua asturiana. “Nesti monentu nel que se ta falando tanto de la oficialidá ye importante conocer esperiencies d’otres comunidaes llingüístiques que yá pasaron por procesos de normalización”, defendió Inaciu Galán al entamu del actu del llunes. 0 FacebookTwitterPinterestEmail Anterior Los turistes estranxeros son los más rentables pa España siguiente L’ex alcalde d’O Grove pierde la so demanda contra ‘Fariña’ Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...