Portada Sociedá Iniciativa pol Asturianu participa na xunta xeneral de la Rede Europea d’Igualdá Llingüística en Barcelon

Iniciativa pol Asturianu participa na xunta xeneral de la Rede Europea d’Igualdá Llingüística en Barcelon

by redacción asturnews

Les instalaciones del Camp Nou, l’estadiu del Barça, van acoyer la celebración de la xunta xeneral d’European Language Equality Network (ELEN), federación europea d’entidaes en defensa de llingües minorizaes de la que forma parte Iniciativa pol Asturianu.

Inaciu Galán, presidente d’Iniciativa pol Asturianu, va representar a la entidá y falará de la situación y novedaes al rodiu de la situación del asturianu nel añu últimu. Sedrá esti sábadu a les 17:35 hores. Pero enantes, esti vienres 4 a les cinco la tarde, sedrá recibíu nun actu protocolariu pol presidente de la Generalitat de Catalunya, Carles Puigdemont, xunto a los demás delegaos de les entidaes miembru d’ELEN, nel Palau de la Generalitat.

Iniciativa pol Asturianu ta implicada dende la so fundación na organización d’ELEN, cola participación en toles actividaes de la entidá per parte de Xosé B. Álvarez, responsable de la estaya de Rellaciones Internacionales d’Iniciativa. Pa la organización, según esplica Galán “ye una de les llinies de trabayu clave, que permite da-y presencia internacional al asturianu en munchos ámbitos de gran importancia n’espacios como les Naciones Xuníes o’l Conseyu d’Europa”.

Tamién te podria gustar