Portada Lliteratura Iniciativa pol Asturianu organiza un nuevu club de llectura nel Pub Corner’s d’Uviéu

Iniciativa pol Asturianu organiza un nuevu club de llectura nel Pub Corner’s d’Uviéu

by redacción asturnews
Cartelu cursos d'Iniciativa

Iniciativa pol Asturianu entama los díes 3 y 17 d’ochobre la segunda edición del so Club de Llectura n’asturianu. La obra a la que tará dedicáu esta vegada va ser “Los solevaos de la Bounty”, de Jules Verne (torna de Xesús González Rato).

Esta actividá va facese nel Pub Corner’s d’Uviéu (cai Xeneral Zuvillaga, 6) magar les 20:30 hores los dos díes.  Tien un preciu de 20 euros qu’inclúi dos consumiciones y un exemplar del llibru espublizáu pola editorial Trabe.  La matrícula pue faese nel propiu chigre.
L’oxetivu ye ameyorar la conocencia d’asturianu asina como encamentar a los participantes a consumir lliteratura na nuesa llingua. Con esta propuesta Iniciativa pol Asturianu quier averar la lliteratura a espacios onde nun ye vezu atopala, polo que nun ye necesario tener degún conocimientu previu del idioma p’apuntase a l’actividá.

Tamién te podria gustar