ComunicaciónConvocatoriesSociedá Iniciativa pol Asturianu entama un concursu baxo’l títulu de #andanciulliterariu by redacción asturnews 3 d'abril, 2020 written by redacción asturnews 3 d'abril, 2020 56 Iniciativa pol Asturianu anima a la sociedá a participar nun concursu baxo’l títulu de #andanciulliterariu pa crear lliteratura n’asturianu nestos momentos de tar en casa pol andanciu del coronavirus. La entidá pretende da-y una mayor presencia a la llingua asturiana nes redes sociales nestos momentos y xenerar un ambiente positivu y de distracción nestos momentos Iniciativa pol Asturianu anunció esta mañana la convocatoria d’un concursu baxo’l títulu de #andanciulliterariu. Con esta campaña, la organización pretende coles aportaciones de los participantes siguir creando lliteratura n’asturianu nestos momentos de tar en casa pol andanciu del coronavirus. El concursu institúise con un total de 3 premios (primeru, segundu y terceru) dotaos con un llote de llibros n’asturianu. El xuráu podrá entregar amás menciones especiales a otros y otres participantes. La temática ye sobre l’andanciu y les consecuencies de vivir aisllaos nes cases pola situación na que vivimos. Los trabayos tienen que tar n’asturianu o gallego-asturianu, han ser inéditos, orixinales y ser publicaos en Twitter. Amás, pueden tar escritos en prosa o versu y tienen que tener como máximo 280 caracteres incluyendo’l hastag #andanciulliterariu. La participación del concursu entama’l 4 d’abril a les 00:00 hores y fina’l 12 de abril a les 23:59 hores. Los tuits premiaos van dase a conocer el día 15 d’abril, a les 12 hores, al traviés de la páxina web d’Iniciativa pol Asturianu (www.iniciativapolasturianu.org). El xuráu tará compuestu por diferentes miembros d’Iniciativa pol Asturianu. La entrega de premios va facese cuando pase l’adanciu. Iniciativa pol Asturianu anima a la sociedá asturiana a participar na convocatoria p’amosar la estima y l’apegu al idioma y da-y una mayor presencia a la llingua asturiana nes redes sociales nestos momentos y xenerar un ambiente positivu y de distracción nestos momentos 0 FacebookTwitterPinterestEmail Anterior Uviéu aprueba la distribución de les tarxetes comedor pa más de 4000 families siguiente El Conservatoriu d’Avilés caltien la so actividá por e-mail y videoconferencia Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Nun Tris abre les Xornaes del Festival Nel... La normalización llingüística afitase dafechu nel Parlamentu Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón