Portada Uncategorized Iniciativa pol Asturianu entama la campaña #yobrindopolasturianu pa dispidir 2020

Iniciativa pol Asturianu entama la campaña #yobrindopolasturianu pa dispidir 2020

by redacción asturnews

Iniciativa pol Asturianu vieno acabante entamar una campaña que col hashtag #yobrindopolasturianu quier dispidir l’añu 2020 convidando a toles persones que quieran a participar na campaña nes redes de Twitter ya Instagram con una semeya, videu o testu.

Esti añu por mor de la situación d’andanciu del coronavirus, Iniciativa pol Asturianu nun va organizar el so tradicional brinde navidiegu, pero va entamar una campaña en redes sociales col títulu #yobrindopolasturianu. La campaña trata de facer llegar mensaxes de felicitación n’asturianu pal añu 2021 col enfotu de que seya un bon añu pal idioma. La idea de la organización ye que puedan participar toles persones que quieran col hastag #yobrindopolasturianu nes redes de Twitter ya Instagram con una semeya, videu o testu.

La organización convida a toles persones que quieran a participar na campaña y llograr llanzar un mensaxe positivu pal nuevu añu 2021 y facelo n’asturianu y en gallego-asturianu.

Tamién te podria gustar