Sociedá Iniciativa pol asturianu entama a roblar convenios con empreses by redacción asturnews 13 de xunetu, 2015 written by redacción asturnews 13 de xunetu, 2015 33 Iniciativa pol Asturianu y la compañía Appsturias roblaron esti día un conveniu de collaboración pa intentar normalizar y fomentar l’usu del asturianu nes nueves tecnoloxíes. L’alcuerdu inclúi’l compromisu per parte de la compañía d’ufrir facilidaes y descuentos a les persones y entidaes que pongan en marchar aplicaciones pa móviles n’asturianu. Inaciu Galán, presidente d’Iniciativa pol Asturianu, y Javier López, xerente d’Appsturias, señalaron que l’alcuerdu nun ye una declaración d’intenciones, sinón que cunta yá con un plan bien definíu d’actuación, incluyendo descuentos pa les aplicaciones con versión n’asturianu, asina como un descuentu estra pa los socios d’Iniciativa pol Asturianu. Pela parte d’Iniciativa pol Asturianu va collaborase cola empresa en cuestiones d’asesoramientu llingüísticu. Pa Iniciativa pol Asturianu esti camín de collaboración con empreses ye bien importante y unu de los pegoyos del trabayu pola normalización del asturianu. Un sector socioeconómicu que funcione n’asturianu y una sociedá concienciada na necesidá de consumir n’empreses qu’usen l’asturianu con normalidá, ye imprescindible pa da-y futuru a la llingua asturiana. Esta ye una de les primeres empreses coles qu’Iniciativa pol Asturianu robla estos convenios, anque tán en procesu otros convenios colos que se quier siguir alantre nesti ámbitu. Les empreses interesaes pueden ponese en contactu cola entidá pa collaborar y buscar espacios de normalización pal idioma. 0 FacebookTwitterPinterestEmail Anterior Candás preparase pa celebrar el XIX Festival de Bandes de Gaites siguiente Andecha Astur pide la intervención de l’Academia de la Llingua Asturiana na polémica alrodiu de la denominación “Faba” Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...