Iniciativa pol Asturianu denuncia que un año más la Casa Real olvida al asturiano

Iniciativa pol Asturianu denuncia que un año más la Casa Real olvida al asturiano
28 avientu 12:54 2020 Imprimir

Iniciativa pol Asturianu denuncia que un año más la Casa Real olvida al asturiano frente al restu de llingües del Reinu nel discursu navidiegu del Rei Don Felipe.

Iniciativa pol Asturianu llamenta que la llingua asturiana tampoco tuviera presente esti añu nel discursu del xefe del Estáu, el Rei Felipe VI. Alcontrámonos nun momentu favorable pal idioma, con una mayoría parlamentaria que sofita esi consensu constitucional pol idioma y por eso creemos que la llingua asturiana tenía qu’apaecer nel discursu.

Iniciativa pol Asturianu reclamó la presencia del asturianu y denunció “un nuevu escaezu de la llingua asturiana frente al restu de llingües del Reinu per parte de la Casa Real y el Rei”. La organización recuerda qu’en varies ocasiones el Rei Felipe VI yá utilizó varios topónimos tradicionales en diferentes actos d’entrega al Premiu Exemplar d’Asturies y polo tanto creemos que ye consciente de la presencia ya importancia cultural de la llingua asturiana.

Dende Iniciativa pol Asturianu recuerden que “el fechu anómalu de que la llingua asturiana nun seya entá oficial nun quita pa que la Casa Real use l’asturianu, yá que la normativa actual obliga a les instituciones a protexer y fomentar el so usu”, acordies colo qu’establez l’Estatutu d’Autonomía y la Llei d’Usu del Asturianu, amás de la Constitución y la Carta Europea de les Llingües Minoritaries, roblada por España.“Esti 2020, el primer añu de la hestoria na que’l Gobiernu d’España reconoz a l’Academia de la Llingua Asturiana nos Presupuestos Xenerales del Estáu, gracies al trabayu d’Iniciativa pol Asturianu, yera’l
momentu pa que la llingua asturiana tuviese tamién esi reconocimientu per parte de la Casa Real. Echamos en falta que’l nuesu idioma tuviese al mesmu nivel que los demás”.

Por ello, Iniciativa pol Asturianu solicita al Xefe del Estáu que, “como yá fai la Fundación Princesa d’Asturies en dalgunes de les sos comunicaciones dende va años, faiga usu del asturianu, una llingua española protexida pola Constitución, nel so discursu de Navidá y n’otros momentos d’especial simbolismu, asina como mui especialmente nes sos visites y nes de la Princesa d’Asturies”.

  Categories:
Loading Facebook Comments ...