ComunicaciónConceyosPolítica Iniciativa pol Asturianu denuncia l’actitú escontra l’asturianu del alcalde de Siero by redacción asturnews 1 de payares, 2020 written by redacción asturnews 1 de payares, 2020 3,K Iniciativa pol Asturianu denuncia la incomprensible y llamentable actitú escontra l’asturianu del alcalde de Siero, porque ye dafechamente “incomprensible qu’un alcalde de la FSA-PSOE nun almita una moción pola cenciella razón de que tea escrita n’asturianu”. Y por mor d’ello encamienten a Ángel García a “facer un repasu al programa electoral col que’l PSOE se presentó a les elecciones de mayu de 2019”. Iniciativa pol Asturianu amosaba esta selmana públicamente l’enfadu de la organización pola refuga a una moción de Somos nel plenu de Siero. Iván Llera, presidente d’Iniciativa pol Asturianu, comentó que “ye incomprensible qu’un alcalde de la FSA-PSOE nun almita una moción pola cenciella razón de que tea escrita n’asturianu. Tamos nun momentu de másimu consensu alredor del idioma, sumando voluntaes y dando pasos a favor de la normalización de la llingua asturiana. Nun podemos permitir estes situaciones”. Llera apuntó que “l’asturianu nunca foi un problema nel conceyu de Siero. Nin na mesma bendición de los Güevos Pintos que se fae n’asturianu como pa qu’agora nun se pueda falar asturianu nun plenu. Encamentamos a Ángel García a facer un repasu al programa electoral col que’l PSOE se presentó a les elecciones de mayu de 2019”. Iván Llera acabó diciendo que “güei Iniciativa pol Asturianu cumple 9 años de trabayu y situaciones como estes siguen afitando la necesidá d’una organización como la nuestra y evidencien la necesidá d’igualar drechos entre la ciudadanía cola oficialidá del asturianu”. 0 FacebookTwitterPinterestEmail Anterior Divertia presenta’l llume navidiego de les cais de Xixón siguiente Suburbia Ediciones pieslla depués de 13 años Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón...