Iniciativa pol Asturianu convoca la so Xunta d’Asociaos 2017

Iniciativa pol Asturianu convoca la so Xunta d’Asociaos 2017
30 10:20 2017 Imprimir

Iniciativa pol Asturianu vieno acabante convocar pal sábadu 2 d’avientu la so Xunta d’Asociaos 2017 que va desenvolvese n’Uviéu dende les 17 hores, nel salón d’actos del Conseyu de la Mocedá del Principáu d’Asturies.
L’actu va entamar de magar les 16:30 hores y entamará cola acreditación d’asociaos y asociaes. A les 17 hores arrancará col orde del día, faciendo analís del añu 2017 y plantegando les llinies de trabayu de cara a 2018, el que sedrá l’últimu añu d’esta Xunta Directiva y del actual presidente d’Iniciativa pol Asturianu, tal y como s’afitara nel so día nos estatutos.

La entidá convoca esta xunta xeneral de socios al considerar qu’esti y l’añu viniente van ser momentos de gran importancia pal futuru del asturianu y del gallego-asturianu. Poro, anima a la participación de tolos socios y socies.

L’eventu fadrase esti sábadu 2 d’avientu n’Uviéu dende les 17 hores, nel salón d’actos del Conseyu de la Mocedá del Principáu d’Asturies (C/Fuentes Acevedo, 60).

  Categories:
Loading Facebook Comments ...