Portada Comunicación Iniciativa pol Asturianu aconceyó col decanu de la Facultá de Filosofía y Lletres

Iniciativa pol Asturianu aconceyó col decanu de la Facultá de Filosofía y Lletres

by redacción asturnews

Dos miembros d’Iniciativa pol Asturianu aconceyaron esti día col decanu de la Facultá de Filosofía y Lletres, José Antonio Gómez Rodríguez, y algamaron con elli dellos acuerdos y compromisos col representante de la facultá como que la facultá tea rotulada n’asturianu, amás d’en castellán.

Iniciativa pol Asturianu representada por Darío de Dios y Claudia Elena Menéndez─ recientemente na prensa polos sos artículos de sofitu a l’Academia de la Llingua Asturiana─ tuvo un conceyu con  José Antonio Gómez Rodríguez, decano de la facultá de Filosofía y Lletres de la Universidá d’Uviéu, algamando dellos compromisos que van facer que l’asturianu tenga más y meyor usu dientro de dichu centru.

Ente les propuestes, llegaronse a acuerdos a estudiar per partel decanu en delles  estayes: cartelería, solicitando que la facultá de Filosofía y lletres tea rotulada n’asturianu, amás d’en castellá; rellaciones internacionales, cola propuesta d’un conveniu con universidaes americanes que tienen investigación n’asturianu pa intentar xestionar dalgún conveniu que pueda resultar interesante pa los alumnos del Minor d’Asturianu. Por último tamién se-y plantegó la creación d’una plaza pa la torna de la páxina web de la facultá al asturianu, asina como facer dalguna actividá qu’incluya l’asturianu nos actos de los Premios Princesa d’Asturies que se desendolquen na Facultá de Filosofía y Lletres.

Poro, la rotulación ye un compromisu delo Rector na so campaña electoral, polo que nun pue considerase como dengún nuevu avance, ya qu’hai un compromisu firme de desenvolver rotulación en llingua asturiana cada vegada que tengan d’anovase  cartelería institucional.

La entidá ta satisfecha colo que puede ser un pasu alantre pal asturianu nun ámbitu clave como ye la universidá asturiana si’l decanu cumple colos compromisos. De la msma manera, Iniciativa pol Asturianu confía en que se pueda trabayar pol ensanchamientu de la titulación d’asturianu si, como s’espera, estes propuestes algamen resultaos.

Tamién te podria gustar