Iniciativa pide al Ministeriu qu’igue los nuevos cartelos de la ‘Y’ n’Avilés

Iniciativa pide al Ministeriu qu’igue los nuevos cartelos de la ‘Y’ n’Avilés
28 xunu 18:07 2019 Imprimir

Iniciativa pol Asturianu presenta quexes al Ministeriu de Fomentu y a Delegación de Gobiernu pola toponimia nes nueves señales de la ‘Y’ n’Avilés, esixendo la correición d’esti error acordies cola Llei d’Usu y los Decretos de toponimia.

Iniciativa pol Asturianu presentó escritos al Ministeriu de Fomentu y a la Delegación del Gobiernu d’España n’Asturies dempués de comprobar que les nueves señales colocaes nos accesos de l’autopista ‘Y’ n’Avilés nun cumplen cola toponimia oficial. Los cartelos instalaos nun recueyen la nomenclatura oficial d’Uviéu y Xixón apaeciendo únicamente la denominación en castellán, cuando la llei nun dexa llugar a duldes al respective.

Dende la organización pídese la corrección d’esti error acordies colo afitao na Llei d’Usu y Promoción del asturianu de 3 de marzu de 1998, y col Decretu 105/2006, de 20 de setiembre, d’oficialización de la toponimia del conceyu de Xixón y colo que recueye’l Decretu 14/2019, de 13 de marzu, d’oficialización de la toponimia del conceyu d’Uviéu.

Iniciativa pol Asturianu afala a los conceyos y al futuru Gobiernu d’Asturies a facer un esfuerciu nel cumplimiento de los topónimos oficiales y a facer un usu normal d’ellos.

  Categories:
Loading Facebook Comments ...