Iniciativa pide a los partíos partida presupuestaria nel Estáu pa l’Academia

Iniciativa pide a los partíos partida presupuestaria nel Estáu pa l’Academia
08 mayu 09:49 2018 Imprimir

Iniciativa pol Asturianu anima otra vuelta a los partíos políticos a sumase a la so propuesta d’una partida pa l’Academia nos presupuestos xenerales que la iguale con toles demás academies del Estáu.

Iniciativa pol Asturianu vien proponiendo dende 2013 a los grupos políticos con representación por Asturies nel Congresu la presentación d’enmiendes a los Presupuestos Xenerales pa que l’Academia de la Llingua Asturiana cunte con una partida, como tienen la española, catalana, vasca y gallega, amás d’otres instituciones académiques presentes nuna partida dedicada a la so financiación. La propuesta cuntó con un gran alcuerdu nel parllamentu nos últimos años, y namás el bloquéu del PP impidió que saliera alantre. N’otres ocasiones presentaron yá les propuestes o votaron a favor d’elles, partíos de tol espectru parllamentariu, incluyendo a PSOE, Podemos, Izquierda Xunida o Foro.

Esti añu vuelven a solicita-yos a los grupos nel Congresu la presentación d’una enmienda parcial a los Presupuestos Xenerales del Estáu que reclame una partida pa l’Academia de la Llingua Asturiana, qu’acabe con esti agraviu y lo que consideramos una inxusticia pa la llingua asturiana. Nuna nota de prensa asoleyada esti día, Iniciativa camienta que “el PP tien agora la oportunidá de demostrar que daveres nun ta en contra del asturianu, apoyando un pasu pal que nun ye necesaria la oficialidá a la que s’oponen. Ye la ocasión de desbloquiar esta partida pa l’ALLA, que nun ye más que la busca d’igualdá ente les academies que representen y curien les llingües del Estáu”.

Nos Presupuestos de 2017 la Real Academia Española tuvo una partida de 1.661.290 €, amás d’otres pa proyectos concretos, l’Institut d’Estudis Catalans de 283.070 €, la Real Academia Galega de 283.070 € y l’Academia de la Lengua Vasca (Euskaltzaindia) de 153.180 €, amás, la Comisión Permanente de la Asociación de Academias de la Lengua Española tien un prespuestu asignáu de 76.050 euros.

  Article "tagged" as:
  Categories:
Loading Facebook Comments ...