Portada Educación Iniciativa pide a la Ministra d’Educación la especialidá docente d’asturianu enantes les elecciones

Iniciativa pide a la Ministra d’Educación la especialidá docente d’asturianu enantes les elecciones

by redacción asturnews
Inaciu Galán na rueda de prensa

Iniciativa pol Asturianu vieno acabante pedir nuna nota de prensa a la Ministra d’Educación que dexe aprobada dafechu la especialidá docente d’asturianu enantes de les elecciones, por atalantar que “esta decisión ye una cenciella cuestión de voluntá política y nun tien que tener vinculación cola oficialidá del idioma”.  

Inaciu Galán, presidente d’Iniciativa pol Asturianu, fizo esti dia unes declaraciones sobre la decisión de la Ministra d’Educación Isabel Celaá de nun solucionar la creación de la especialidá docente de Llingua Asturiana y Lliteratura. El presidente de la organización recordó que “esta decisión ye una cenciella cuestión de voluntá política y nun tien que tener vinculación cola oficialidá del idioma, sinón que namás supón cambiar el decretu d’especialidaes”.

Dende Iniciativa pol Asturianu piden la intervención urxente del Conseyeru d’Educación y Cultura del Gobiernu del Principáu d’Asturies pa tratar de buscar una solución a esta decisión del Ministeriu: “Nun ye esplicable que siendo una cuestión que xeneró yá delles votaciones unánimes de la Xunta Xeneral, y tando nel programa de cásique tolos partíos, nun se diera yá solución a esti problema que lleva xenerando dificultaes dende va más de trenta años”.

El presidente d’Iniciativa pol Asturianu dixo también que “los partíos que recueyan esta demanda tarán dando igualdá de tratu a tol profesoráu d’asturianu, qu’agora mesmo tienen peores condiciones de trabayu que los del restu de les llingües d’España y que los de cualesquier otra asignatura”.

Tamién te podria gustar