ComunicaciónConvocatoriesEducaciónSociedáTurismu Iniciativa impulsa un campamentu col asturianu como protagonista by redacción asturnews 22 de xunu, 2018 written by redacción asturnews 22 de xunu, 2018 42 Iniciativa pol Asturianu vieno acabante de facer l’anuncia del primer campamentu de branu que vieno organizáu col enfotu de tener al asturianu como protagonista y dir empobináu a neños y neñes d’ente 6 y 16 años. La ONG Iniciativa pol Asturianu vieno acabante anunciar la puesta en marcha d’un campamentu de branu pa rapazos y rapaces de 6 a 16 años. El campamentu va celebrase del 8 al 15 de xunetu nel Albergue La Casona Amarilla, l’antigua residencia d’Hunosa en Villamanín, Llión. El campamentu organízase embaxo la xestión d’Abruja Ocio, con gran esperiencia na realización de campamentos dende va años y va cuntar con un equipu de monitores de calidá, falantes d’asturianu que van facer que toles actividaes d’ociu que se desenvuelvan a lo llargo de los ocho díes d’esti primer campamentu n’asturianu, tengan por llingua vehicular l’asturianu. Dende Iniciativa pol Asturianu valórase como una actividá “de gran importancia pa collaborar na tresmisión xeneracional del idioma y pueden afirmar yá que ta siendo munches les persones que namás que s’anunció pidieron información y tán matriculando a los sos fíos, nesta nueva actividá que como toles organizaes dende Iniciativa pol Asturianu sostiensea ensin ayudes públiques”. El campamentu va cuntar coles actividaes tradicionales de los campamentos pensaos pa la mocedá, como gymkhanes, xuegos na piscina, velaes nocheroregues, talleres… Pero amás, esti campamentu va tener delles actividaes especiales venceyaes a la llingua y cultura asturianes, tales como talleres de xuegos y deportes tradicionales, talleres sobre la hestoria d’Asturies y una biblioteca de llibros pa rapazos n’asturianu del fondu de la Biblioteca d’Iniciativa pol Asturianu. Otru de los puntos fuertes d’esti Campamentu n’asturianu ye la realización d’audiovisuales. Los neños van deprender los fundamentos básicos del trabayu audivosiual y van trabayar mano a mano con profesionales d’esti sector pa realizar proyectos de curtiumetraxes, videoclips y otres pieces d’esti tipu. Pa ello, van collaborar dende Cuatro Gotes Producciones, la plataforma de youtubers n’asturianu PlayPresta y la canal Alderiques d’Asturies. El preciu del campamentu ye de 240 euuncon too incluyío, con descuentu a 210 pal segundu hermanu o segundu campamentu del branu con Abruja Ocio. Pa más información ya inscripciones tán a disposicióin los teléfonos 647 583 859 y 622 044 703, amás del corréu abruja@abrujaocio.com La páxina web www.abrujaocio.com tamién cunta cola información del campamentu. 0 FacebookTwitterPinterestEmail Anterior La SGAE vota contra la polémica reforma estatutaria de so presidente siguiente Entama’l XXVI Congresu Universitariu d’Innovación Educativa nes Enseñances Técniques Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Nun Tris abre les Xornaes del Festival Nel... La normalización llingüística afitase dafechu nel Parlamentu Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes